لقاء على الهواء 2

المذيعة: بعد الاعلان رجعنلكم.. بجد وحشتونا

ونتوجة بالشكر مرة اخره للسيد المسؤول اللي شرفنا في برنامجنا النهاردة.

. حضرتك شوفت الاعلان بتاع الزبادي.

. وبمناسبة الزبادي واللبن عايزين نسال حضرتك سؤال مهم جدا عن موضوع اللبن اللي فيه جبس ده؟

المسؤول: والله ده موضوع مهم جدا طبعا.. انا سمعت عن الموضوع ده وبطمّن كل المواطنين ان اللبن اللي فيه جبس واسمنت وخرسانة مسلحة ده هو اللبن السايب اللي عند البقالين وبعض الشركات اللي معندهاش ضمير.

. وده طبعا انا باحذر السادة المواطنين من شربه

المذيعة: طب والبياعين والشركات اللي بتبيع اللبن المغشوش دول هتعملوا فيهم ايه؟

المسؤول: والله احنا خدنا اجراءتنا بالفعل

المذيعة بفضول غير عادي: ازاي؟

المسؤول: قفلنا كل محلات الجبس والاسمنت اللي قريبة من البائعين دول ومن شركات اللبن المغشوش

المذيعة: والله العظيم والله العظيم ده الحل المثالى ربنا يارب يقويكم على فعل الخير

المذيعة: عودة للمسئول العظيم اللي يقدر يعمل كل حاجة في البلد وهو قاعد على كرسيه هنا معانا.. عشان بس عايزين نعرّف الناس ان الحكومة دي مظلومة وانهم مفتريين وبيستهبلوا.. نرجع ونكلم حضرتك عن موضوع شاغل الرأي العام فترة طويلة خالص وهو موضوع العبارة الى غرقت

المسؤول: غرقت ايه وهو انتي بتصدقي الكلام ده؟

المذيعة: همّ بيقولوا كده

المسؤول: هفهمك انا الموضوع كله، حضرتك عارفة فيلم تايتانك؟

المذيعة: اه ليوناردو دي كابريو كان اموور اوي في الفيلم بصراحة

المسؤول: اهو الموضوع كله ان ممدوح سليمان

المذيعة: ممدوح اسماعيل يافندم

المسؤول: اه معلش.. حضرتك الفيلم ده كسر الدنيا وجاب عائد مادي ضخم جداااا فممدوح اسماعيل حب يعمل فيلم مصري خاص عشان يجيب عائد مادي لمصر.. فخرّب العبارة بتاعته.. الراجل الحق عليه عشان اما تغرق يصورها ونعمل فيلم مصري عالمي.. بس ده كل الموضوع

المذيعة: طب يافندم في ناس بيقولوا ان في ناس ماتت بجد

المسؤول: ياستّي الاعمار بيد الله

المذيعة: بس المفروض ان ممدوح اسماعيل يعوّضهم

المسؤول: وهو في بعد تعويض ربنا؟

المذيعة: طب هو فين الفيلم ده يافندم؟

المسؤول: للأسف الشديد المصور وهو بيصور الفيلم غرق.

. فبالتالى مفيش فيلم من اصله

المذيعة: يعني ممدوح اسماعيل كان عايز يعمل فيلم عالمي زي تايتانك

المسؤول: زي ما بقولك كده

المذيعة : طب هو فين ممدوح اسماعيل يا افندم ؟

المسؤول : بعد ماعرف ان حلمة بأنة يحقق فيلم عظيم زي ده انتهي .

. أعصابة تعبت وسافر يغير جو في اوروبا .. وكلة بمعرفتنا

المذيعة: وبالتالى اعزائي المشاهديين احنا كده عرفنا قد ايه احنا ظلمنا الراجل نعود بعد الفاصل في برنامجنا حوار مع السيد المسؤول

فاصل

جنه جنه اه جنه زبده صفراء اه جنه

----------------------

المذيعة: احنا ممكن نستقبل اتصالات دلوقتي.. يافندم حضرتك مستعد تفتح صدرك للمواطنين وتسمعهم

المسؤول: طبعا طبعا انا تحت امر المواطنين

المذيعة: نقول الو

المواطن: الو سلامو عليكم

المذيعة: وعليكم السلام اتفضل يااستاذ

المواطن: انا بس كنت عايز اقول للسيد المسؤول ان انا ابني في المعتقل بقاله 12 سنة ومعرفش عنه حاجة انا بس عايز اعرف هيخــ ....

.. المذيعة: ألو ألو.. واضح ان الخط اتقطع

المسؤول: فعلا واضح ان الخط اتقطع.. حضرتك شديدة الملاحظة

المذيعة بكسوف شديد: ميرسي جدا يا فندم ده بس من ذوقك.. بس هو كان بيسأل عن ابنه اللي في المعتقل بقاله 12 سنة

المسؤول: هو كان بيقول معتقل ولا اتنقل؟

المذيعة: لا انا سمعتها معتقل

المسؤول: وانا سمعتها اتنقل.. هو انتو هتسمعوا احسن من الحكومة؟

المذيعة بوش اصفر وخلاص هيغمى عليها: لا يافندم وهيّ دي تيجي؟ هو فعلا قال اتنقل.. اتنقل من شغله لشغل تاني وبعد ما حالة اتظبط ساب العيلة اللي كان عايش فيها

المسؤول: اه انا سمعت كدة برده

المذيعة: فاصل مع الاعلان ونعود ليكم على طول

اشترى كيس قلبظ واكسب واحد هديه يا حلاوتك يا قلبوووظ يا مقلبظ

----------------------------------------

المذيعة: بعد الفاصل عدنا اليكم من جديد ومعانا ضيفنا المسؤول المهم في الحكومة المظلومة وبنسأله ونقوله ايه رأي حضرتك في الكليبات اللي بتتعرض على القنوات الفضائية المصرية اليومين دول؟

المسؤول: والله حاجة جميلة ونقلة في ثقافة البلد وثقافة ابناء وبنات البلد

المذيعة: بس في اعتراضات من بعض المشاهدين على ملابس بعض الفنانات وعلى راسهم الفنانة هيفاء.. بالذات بعد اغنية بوس الواوا المسؤول: انا مش شايف اي حاجة في كليب الاغنية دي.. وبعدين دي بتغني لابنها الصغير يعني ده عيل صغير اولا.. وبعدين الناس حرة في بيوتها تعمل اللي هيا عايزاه

المذيعة: طب والمغنية التانية اللي بتغني لفيل ؟

المسؤول: على فكرة دي من اجمل الكليبات اللي اتعملت.. مش دي الاغنية اللي بتقول ليه تجرحني وليه تخدعني ليه يا حبيبي بتسطلطخني لية يا اناني يا كذاب هو انا راكنة الفيل على الباب

المذيعة بفرحة شديدة: الله ده حضرتك حافظ الاغنية كلها

المسؤول: طبعا دي اغنية جميلة اوي

المذيعة: والله يافندم انا مش عارفة اقول ايه.. حضرتك وضحت كل الامور بكل بساطة وهدوء

المسؤول: ده واجبنا تجاه وطنا

المذيعة: السادة المشاهدين في نهاية الحلقة بنحب نوجه الشكر لكل رجال الدولة القائمين على حماية البلد والساهرين على امنها.

والى اللقاء في حلقة جديدة

من برنامجكم المفضل لقاء مع السيد المسؤول

-------------------------------------

منقوووووووووووول

اسمع النكته دى...مره واحد صعيدى

تكلمت فيما سبق عن النكت على الصعايده

ومدى العنصريه التى يمارسها البعض ضد الصعايده

ويلاقى الصعايده فى مصر المحبوسه تمييز واضح فى كل مكان فى مصر

واسال الناس التى تطلق النكات على الصعايده

ليه الصعايده بالذات

هل تعايشتم ولو لفتره قصيره معهم او حتى احدهم

وان كان

فهل صدر منهم افعال غبيه كما تدعون

وان كان

فهل هذا يعطيكم الحق فى الحكم على كل الصعايده

اكتب هذا الموضوع بعد تعنت ادارة موقع

جامعه اون لاين

موقع طلاب جامعة الاسكندريه

وهذا الموقع قد نشر فى وقت سابق وليس بالقصير نكته ليس لها اى لزوم

على الصفحه الرئيسيه للموقع

ورغم اعتراض الكثير من الصعايده

وطلبنا من الاداره حذف النكته ورفعها من الموقع

حفاظا على مشاعرنا ومشاعر كل الصعايده

الا انها لم تفعل ذلك

وهنا نقف وقفه

ليس امام الموقع ده وبس

وانما امام كل من يجرؤ على انه يقول نكته او يمقت او يكره او يشعر بسمو نفسه بعض الشىء

على الصعايده

اليس الصعايده مسلمون مثلكم

اليسوا بشر من جلدتكم

اليس لهم الحق فى العيش مثلكم دون تجريح

لما كل هذا الاذى والعدوان على الصعايده

لا ندعى الكمال فاالكمال لله وحده

وقد تصدر من بعضنا افعال تفوق الغباء فعلا

ولكن هذا شأن كل البشر

فى وجه بحرى ايضا تصدر افعال تفوق كل اشكال الغباء والتعنت والتزمت والعصبيه

ان كان البعض يتهمنا بالتعصب الزائد فهذا افتخر به كثيرا

وهذا شرف لكل صعيدى ان يوصف بالتعصب

ولا لازم نكون يعنى متبلدى المشاعر واحساسنا بارد كغيرنا علشان نعجب زى ما بيقولوا

لازم ندوس على كرامتنا

وكبرياؤنا وتقالدينا علشان نكون مودرن

ان كان يوجد فى مجتمع الصعيد بعض العادات الجاهليه التى لا ترضى احد

ولكنها قليله

فهناك الكثير من العادات لديهم

التى تشرف كل شخص يتسم بها

لماذا كل هذا الضحك وكل هذه السخريه مننا نحن الصعايده

لما تنظرون الينا هكذا

اهو عيب فينا

ام فيكم انتم يامن تبعتم الافلام والمسلسلات

التى لا اراها الا مليئه بالاكاذيب والتلفيقات والتهم التى تلصق بنا

كل الافلام والمسلسلات التى تعرض كلها دون استثناء

اكاذيب وتهم باطله تلقى على الصعايده ومجتمع الصعيد

وتجد عامة الناس ممن يجهلون الصعيد واهل الصعيد

يصدقون تلك الاكاذيب ويرددونها دون تفكير

لا يعلمون انهم بهذه الطريقه يثيرون حقدا وكرها عليهم من جانب كل الصعيد

تجدهم يطلقون النكات على الصعيد وكانهم لا يجدون احدا يطلقون عليه نكات غيرنا

انا اعتبر هؤلاء وامثالهم ناقصين

عندهم احساس بالنقص

وحين يجد الشخص منهم واحد صعيدى واقف قدامه

يهرب الدم منه خوفا

ولا يستطيع ان ينبث بكلمه واحده

وايام الجامعه كانت مليئه بالمشاكل التى يكون اساسها نكته تقال من فم شخص تافه

على اصلعايده

ولا يجد حرجا ان يقولها فى وجود شخص او اكثر من الصعيد

فتثور ثائرتهم وهذا شرف وفخر لنا كلنا

وتبدء المشاكل

وكل ده علشان اشخاص تافهين

لا يراعوا لنا اخوة ولا مشاعر ولا كرامه

فيستحقون العقاب الذى ينزل على رؤوسهم منا فى ذلك الوقت

انا كنا متعصبين فهذا فخر لنا

وان كان يطلق علينا النكات ويسخر منا

فكفى بالمرء فخرا ان تعد معايبه

الا يعلمون انهم بهذه النكات التافهه

وتلك السخريه المبتذله

انهم يغتابون اخوانهم من المسلمين

اليس لنا حقوق عليهم

الا يعلموا انهم بذلك الفعل يكتسبون السيئات

ويثيرون الكره فى صدورنا ناحيتهم

ولا يعلموا انهم بذلك يثيرون الفتن بين ابناء الامه الواحده

وارجو انه محدش يطلب مننا اننا نسكت او نصهين على الموضوع ونعدى الامور

وخليك ايزى

لا

اسمع التجريح

واسكت

ارى كرامتى تمتهن وتهان واصمت

وليه

لا املك الا ان اقول فى النهايه

ربنا يهدى الشباب ويصلح الاحوال

وحسبنا الله ونعم الوكيل

واكيد للموضوع بقيه

لانه طويل

ومش ناوى يخلص بسهوله

كن ايجابى وجاوب على التاج ده

تاج لكل اللى يشوف التاج ده يعلق عندى ويجاوب عليه لو سمحتم يعنى

- اخبارك ايه؟

ايه الهدف من انشاء مدونتك؟

وليه اخترت الاسم ده بالذات؟

هل حققت هدفك من انشاء المدونه؟

ما مضمون الموضوعات التى تفضل كتابتها دائما؟واى اتجاه تفضل؟

ايه اكثر المدونات اللى بتزورها؟

واكثر الموضوعات التى تشدك اليها؟

ايه رايك فى اغلب المدونات الحاليه؟ او التى تزورها استمرار؟

وماذا تقترح على المدونين لتطوير افكارهم وتطوير المدونات الخاصه بهم؟

--------------------------

هل تقبل الزواج من متزوج او مطلق؟

ناوى تشتغل بعد التخرج؟

وعاوز تشتغل ايه؟

وو كنتى بنت وتقدم لك عريس رافض لفكرة عمل المراه؟

هتوافقى عليه؟

هتدفع مهر قد ايه؟/ او توافقى على مهر قد ايه كحد ادنى كده ؟

ممكن تبدء / تبدئى حياتك الزوجيه مع شاب فى مقتبل حياته العمليه وعلى قد حاله؟

ايه رايك فى المهور الحاليه؟

ممكن تتجوز / او تتجوزى واحد او واحده اقل من مستواك الاجتماعى؟

ترضى تعيش حياتك الزوجيه فى اقل مما تعودت عليه؟

نفسك فى ايه؟ وامنية حياتك ايه؟

وماهو هدفك فى الحياه؟

لما ربنا يكرمك بعد عمر طويل كده وتتجوز ناوى تخلف كام عيل؟

ايه ريك فى تعليم بلدنا؟

وهل استفدت منه باى طريقه؟

زهقت من الاسئله ولا لسه؟

------------------------

تحياتى

مليون مبروك يا دكتوره

اهنىء اختى الكريمه والزميله الغاليه

دعاء

طالبه بكلية الطب

بفوزها بالمركز الاول فى المسابقه التى تقدمها اكاديمية اخبار اليوم

وفوزها بالمركز الاول على مستوى الجامعات المصريه فى المسابقه الادبيه

والف الف مليون مبروك والى الامام دائما

لقاء على الهواء

لقاء مع السيد المسؤول

في الأول نحب ننوّه للسادة اللي بيسمعونا واللي بيقرولنا إن ده هيبقى برنامج كل أسبوع..

وفي كل اسبوع هنستضيف مسؤول مهم جدا في الدولة

.. مسؤول مهم خالص مسئول ليه تُقله في البلد

وهنتحاور معاه في كل حاجة وفي اي حاجة وكمان ممكن نستقبل منكم اتصالاتكم ونستقبل ارائكم على البريد الالكتروني بتاعنا ونوعدكم اننا نسألها للسيد المسؤول النهاردة

معانا مسئول في منصب كبير.

. من موقعه ممكن يغير حاجات كتير وهنسأله الأسئلة التالية المذيعة:

اول سؤال معانا النهاردة هو بصراحة سؤال بيشغل بال الكثير من المواطنين.. الناس كلها بتسأل.. عم امين بيسأل.. عم احمد الخضري كل ما يشوفني يسألني: هو مين اللي هيمسك الحكم بعد اللي ربنا يطولنا في عمرة ما يتّكل؟

المسؤول: والله انا احب اطمّن عم امين وعم احمد الخضري واطمّن الشعب كله واقولهم ان فيه خطة مدروسة ومعمول حسابها.. خطة اسمها اللي نعرفه احسن من اللي مانعرفوش

المذيعة: معلش يا فندم اسمها ايه تاني الخطة؟

المسؤول: اسمها اللي نعرفه احسن من اللي مانعرفوش.. يعني انتي هتلاقي فين حد ينفع للحكم غير واحد آكل شارب نايم مع رئيس البلد.. بيشوفه بيعمل ايه.. بيتكلم ازاي.. بياكل ازاي.. لا مؤخذة بيدخل الحمام ازاي.. وده طبعا متمثل في ابن الرئيس الحالى شخصيا.. وبعدين الناس معترضة ليه على ان ابن الرئيس يبقى هو الرئيس؟ ما انتي عندك كل ممثل بيحس انه خلاص بيشطّب يروح مطلّع ابنه ويمثل والناس تقعد تسقف واي لعيب كورة ربنا بيكرمه وبيعتزل بتلاقيه وهو ماسك شنطة الفلوس بتاعة الاعتزال في ايد وفانلة في ايد تانية بيلبّسها لابنه وده اللي بنسميه توارث الاجيال

المذيعة: يارب نكون قدرنا نرد على تساؤلات كل الناس وبالذات عم احمد الخضري اللي خاوتني في الرايحة والجاية

فاصل مع الاعلان ونرجعلكم تاني

صحتك فى جبنتك

-----------------------------------------

المذيعة: بعد الفاصل رجعنالكم ويارب الاعلانات تكون عجبتكم.

. والله الشامبو اللي في الاعلان ده رائع انا بستعمله.

. ولاّ مسحوق الغسيل ما قولكمش عليه..

المهم نرجع لضيفنا العزيز وبنحييه مرة تانية وبنسأله سؤال مهم اخر بيدور في تفكير كل مواطن: ايه اخر ما توصلت اليه التحقيقات في موضوع حريق قطار الصعيد؟

المسؤول: والله احنا شكلنا لجنة لتقصّي الحقائق من خيرة ظباط البلد وهم وصلوا لنتائج مبهرة واكتشفوا ان حريق قطار الصعيد جه غلط ومش مقصود.. واحنا بناء على التقرير ده قولنا خلاص مادام الموضوع مش مقصود يبقى المسامح كريم واحنا في ايام مفترجه وملوش لزوم ننكّد على حد المذيعة: احنا ممكن نُطلع السادة المشاهدين على نتائج التحقيق ولا دي اسرار عليا؟

المسؤول: والله هيّ اسرار عليا جدا بس علشان خاطر عيونك الحلوين دول انا هقولهم.. هوّ الموضوع بكل بساطة ان في ست اسمها ام عماد

المذيعة بفضول: اسمها ايه يافندم؟

المسؤول: اسمها ام عماد واسمها ده دليل على المجهود اللي بذلوه الظباط في التحقيق لدرجة انهم قدروا يعرفوا اسمها واسم ابنها كمان المذيعة بفرحة: لا والله العظيم لازم يترقّوا على اللي عملوه ده

المسؤول: الناس دي بيشتغلوا في صمت من اجل مصر وشعب مصر.. المهم ام عماد دي بقى كانت رايحة تزور ابنها في الجيش وكانت واخده معاها فضلت خيرك حلتين محشي وفرختين وشوية خضار للواد علشان ياخدهم في الزيارة.. بس الوقت كبس عليها مقدرتش تخلّص كل الاكل فـ اخدت معاها باجور علشان تكمل سوى الاكل في القطر.. وهيّ قاعدة بتسوي الاكل ومع الزحمة النار مسكت في جلابية الواد حميدة اللي كان قاعد جمبها والواد الغبي ابن الغبي فضل يجري في القطر وهو مولع لحد ماولّع في القطر كله.. الغبي مش ولع خلاص بقي يقعد في مكانه لا.. فرحان انه ولع وعمال يجري في القطر لحد ماولع في القطر كله.. واحنا الحمد لله صادرنا الباجور والموضوع اتلمّ وكل حي بياخد نصيبه

المذيعة: والله يا فندم مجهود كبير جدا تشكروا عليه وربنا يخليكوا للبلد

فاصل مع الاعلان ثم نواصل فاصل

-----------

جبنه ميلكانا بالطاقه مليااااااااانه

----------------------------------------

ونكمل الحوار المره الجايه

رابطة مدونى الصعيد

اقترح عمل مدونه باسم

رابطة مدونى الصعيد

تجمع اناء الصعيد من المدونين والمدونات

تكون منبرا لهم على الشبكه العنكبوتيه

ايه رايكم

اى مدوزن صعيدى يسجل معانا هنا

ويقدم اقتراحاته

علشان نعمل الرابطه

ونحدد موعد نتقابل فيه كلنا على الشات

منتظر المشاركات والاراء

نجحت يا ناس

يارب لك الحمد كما ينبغى لجلال وجهك وعظيم سلطانك
الحمدلله
نجحت
الحمدلله عدت ايام الدراسه على خير
ياااااااه اخيرا
احلى فرحة فرحة النجاح
اخيرا كده ارتحت خلاصوهابدء كده اشق طريق كفاحى
ياه ما اجملها من فرحه فرحة النجاح
الحمدلله رب العالمين
والف مبروك لكل الناجحين
وعقبال الناس اللى لسه مستنيه
ويارب يجعل ايامنا كلها افراح ونجاح
ولا تنسوا ان تقولوا الحمدلله