لا استطيع الكلام

حسبنا الله ونعم الوكيل

صدق او لا تصدق

اتهامات خطيرة

مطربات يتبادلن الإتهامات بالابتذال

مطربات العري يتبادلن الاتهامات " هذا هو الحال " بعد الحملة الإعلامية العربية ضد الإسفاف و الابتذال " فقد أصبح المصطلح المذكور" هو عنوان التفاعل بين مطربات الإسفاف " فهذه مطربة تقول للأخري انك مبتذلة " و ترد الأخري بإساءة إعلامية بالإبتذال , و النتاج فى النهاية ان هناك قناعة لدى معظم مطربات العري مفادها " ان العري و الإبتذال هو سبة و شتيمة و شىء شرير يجب الإبتعاد عنه " ,, و يا ريت يبعدوا عنه فعلا .

************************************************

إفرازات الذوق العام

بحبك يا حمــار

من أشهر الأغاني المتداولة حالياً " أغنية لمطرب شعبي" يقول فيها ( بحبك يا حمار ) , حقيقة لا أعرف من يقصد بالحمـار , لكننى وجدت معظم المستمعين للأغنية يحركون رؤوسهم طرباً للكلمات اللا مفهومة و اللا معلومة , و يظل السؤال مطروحاً عن ماهية الحمـار الذى عشقه المغني و المستمعين !!

*******************************************

الديوث

( يوجد لدينا عروض بقرون و بدون قرون لفترة محدودة )

الراجل المودرن فى زمن الحداثة لازم يكون ( منفتح ) و يخلى العالم كله ينفتح معاه , و هو الرجل الذى يسمح لإبنته بإحضار البوى فريند و لابنه بالجيرل فريند تحت شعار ( الحرية الشخصية ) و هو نفس الرجل الذى يقدم زوجته لكى ترقص مع غيره كلاسيك , و هو ايضا نفس الرجل الذي قد يخون زوجته مع أخري ويحكى اسرار بيته للأخرين , و كله علشان خاطر الحداثة

******************************************

طراطير فى المجتمع

خلى بالك من زوزو

شىء غريب لما تلاقى مطربة " عرى و إباحية " رايحة تستلم جائزة و رابطة وراها واحد بسلسلة " و عندما تسأل عن هذا المخلوق الفضائى " يقولوا ( إنه زوجها ) , و شىء آخر عجيب ان تجد نفس المطربة او الممثلة فى فيلم ترتمى فى احضان شخص ليس زوجها داخل هذا الفيلم و لحظة افتتاح الفيلم فى السينما تجد ( زوجها الحقيقى ) يصفق لها بحرارة على هذه المشاهد .. اقول له ( رجولة يا عبد السميع ) !!

*********************************************

ليبرالية بالزيت الحار

حينما تذكر الليبرالية علينا ان نذكر العراة و الحرامية

فى بلادنا المنكوبة ( بيع الكلام بلوشى من غير فلوس ) و الشعارات على قفا مين يشيل !! اكتشفت ان الليبرالية كمبدأ إنساني و شعار يطرب الآذان لا تطبق فى بلادنا إلا لصالح الحرامية ثم لمطربات العري كليب اللاتى يقدمن أنفسهن كفنانات , و الحقيقة انهن فى بلادهن ( ..... ) و فى مصر قدموا من أجل الأضواء و الكاميرات و المجلات , قلت فى نفسى امامنا اختيارين ( إما ان نتحول نحن للغناء و الرقص حتى نحصل علي حقوقنا ) و إما ان يقدر الله و يهدى الحكومات الاستبدادية و يتم بيع مطربات العري لبتاع الــ روبـى بيكيــا !!

********************************************

شغلة شريفة ,

احسن من المال الحرام

رسالة الى كل من تخلع ملابسها على الفضائيات بالفعل أشفق عليهن مما يفعلن , فلا الشهرة هتنفعهم و لا الإعلام سيدوم لهن , و بكرة كل واحدة فيهم وجهها يكرمش و يطلع لها كرش و لن يجدوا أى شخص ينظر كما كان ينظر سابقاً , لذلك عودوا الى الحق و اعرفوا ان لكم رب سيحاسبكم يوم القيامة على ما تقترفن من جرائم و فعلا ما تقوموا به جرائم و ليس فن , و خليكم على قدر المسئولية فى ظل الأوضاع التى يعيش فيها الشباب العربى بمسلميه و مسيحييه - ألبسوا هدومكم !!

*******************************************************

انتظروا الجزء الثانى قريبا

من كل قلبى ياريس

أبي الحبيب حسني مبارك مقدمه لسيادتكم برعم نشأ فى عهدكم وتربى فى كنفكم وشرب من بحر علمكم وحكمتكم التى أذهلت العدو قبل الصديق تسمح لى أقول لك يابابا ؟ بابا أنا تعبان قوى ....لأ مش سنانى دى ودانى !!!...أيوه ودانى....أصلى سمعت كتير قوى عن حاجات حلوة حتحصل لنا وما حصلش منها حاجة ...حقول لك شوية حاجات منها واخواتى هنا يمكن يحبوا يزودوا عليها شوية حاجات تانية جايز أكون نسيتها ... بابا مش عايزك تزعل منى علشان فتحت لك قلبىنسيتها ... بابا مش عايزك تزعل منى علشان فتحت لك قلبى
(1)
بابا...مصر فى السياسة والإقتصاد وحتى فى الرياضة بقت فى الحضيض .. بقينا زبالة يابابا صدقنى
(2)
الدول اللى كانت محدش بيسمع عنها خالص بقت أحسن مننا بكتير قوى يعنى دول زى الهند ...الفلبين ...حتى تايلاند عندهم إيدز وبرده بيشتغلوا وبيصدروا كمان .... إنت نمت يابابا .....لسه صاحى... طيب أكمل
(3)
بتشوف قناة الجزيرة والعربية ودبى يابابا....شوف همه وصلوا وبقوا إيه واحنا بقينا إيه....الإعلام بتاعنا بقه زبالة بصراحة ...تفتكر ده من إيه... تفتكر ده من النفاق اللى انس الفقى معيشك فيه يا بابا ولا ايه .... يا بابا اصحى وفوق بأه
(4)
المصريين اللى عايشين بره محدش بيسأل فيهم خالص يابابا....تصور لو حد منهم مات ...السفارة ما بترضاش تبعت جثته إلا لو الناس لمت من بعضها ودفعت المعلوم......ده غير إن سفاراتنا بتعاملهم بطريقة أخر جليطة وقلة حيا بصراحة... مش مصدقنى .... طب اقوللك اخر حاجة ... اللى حصل فى الكويت والمصريين اللى اتعذبوا .... طب سيبك من ده الناس اللى فى ليبيا ... الصراحة يا بابا شكلنا بأه وحش خالص .... اعمل حاجة
(5)
إحنا مابنزرعش قمح ليه يابابا ؟؟؟....أنا عارف إنك بتحب الكنتلوب علشان طعمه أحلى.. مش مهم
(6)
بابا...بيقولوا إن إسرائيل ممكن ترجع تحتلّنا تانى علشان المعاهدة اللى عموا أنور مضى عليها دى.....مينفعش تلغيها يابابا وندخّل جيش مصرى فى سينا
(7)
هوه ليه عمو عمرو خالد وأنكل يوسف القرضاوى ملهمش برامج على التليفزيون المصرى يابابا؟؟؟.. ليه كل البرامج بتطلع فيها روبى ونانسى ودينا؟؟؟....طب عمو طنطاوى ما بيزعلش لما بيشوف الحاجات دى يابابا
(8)
فيه إشاعة بتقول إن عدد الجراد اللى هاجم مصر 70 مليون جرادة يعنى نفس عدد شعب مصر وإن عمو كمال الشاذلى هوه اللى بعتهم علشان يقولوا نعم يامبارك .... صحيح إنهم كتبوا لك مبايعة على ورق الشجر يابابا
(9)
بابا.. وزير الزراعة الجديد ده باين عليه فقر وقدمه نحس.. اوعى تفرط فيه يابابا لأنه بقى أملنا الوحيد
(10)
بابا ... ليه اعتقلت عمو خيرت الشاطر يابابا وحطيتوا لتانى مرة فى محكمه عسكريه .... هو عمل ايه ... عشان بيقول الاسلام هو الحل .. ولا عشان يا بابا وحش وارهابى .... عايز اعرف الحقيقه يا بابا .... هما صحيح الجماعه اياهم ... محظورين من المجتمع .... طب ازاى يا حبيب قلبى يا بابا وهما عندهم 88 مقعد فى مجلس الشعب .... بابا انت لخبطلى دماغى ... فهمنى عشان خاطرى ... فهمنى عشان انا مش بقيت فاهم ....
(11)
انت عارف يا بابا عمو حبيب العادلى ده ... قلب اسود .... شوفت يا بابا عمل ايه .... موت طفل عنده 12 سنه فى قسم البوليس .... شوفت .... عذبوه يا بابا لحد لما مات .... هو عمل ايه يا بابا .... يا بابا عمو حبيب العادلى ده راجل قلبه قاسى اوى .... هات واحد قلبه طيب عشان خاطرى يا بابايا
(12)
بابا...إنت صحيح ناوي تجدد تاني ؟؟؟باباااااااا......سيب شعرررررري ياباباااا.......مين الناس دول ياباباااااااااهمّا واخدنى ورايحين على فين يابابااااااااا؟؟؟

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

منقووووووول

ياشعب قاوم

مطلوب أنسه للعمل

مطلوب أنسه للعمل

تكون حسنة المظهر

ومتعلمه

وبنت ناس

دى نموذج بسيط للوحات

كل ماروح اى مكان اشوفها على طول

واقول فى نفسى

هو يعنى مينفعش (أنس) يعنى راجل

لازم يعنى تكون واحده

مينفعش واحد ابدا

طيب خلى الشباب ملطوع على القهاوى

والبنات تتوظف

وابقوا شوفوا مين بقى يتزوجهم

طيب طالما الحال كده

يبقى انا عندى اقتراح بسيط

ياريت بقى

طالما النساء بتشتغل والرجاله

عاطله

يبقى النساء تتقدم بقى للرجاله ويطلبوا ايدينا للزواج

وهم بقى يجيبوا لنا الشقه والشبكه وكل حاجه

ايه رايكم؟

مش عندى حق

يعنى مطالبين الشاب انه يشتغل ويفتح بيت

طيب ازاى وهو اصلا مش لاقى شغل

البنات واخدين كل حاجه

على طول بادعى على قاسم امين

اللى نادى بالتحرير والمساواه

ادى اخرة المساواه

هو مفيش قاسم امين بتاع الرجاله

يطلع ينادى بتحرير الرجل والمساواه مع المرأه

انا اطالب كل رجالة مصر ورجالة العالم الاسلامى بالاتحاد

يارجال العالم اتحدوا

وطالبوا بحقوقكم

والا يا نساء العالم

قابلونى لو لقيتوا حد يتجوزكم بقى

--------------------------------------------------

ياريت لما واحده تدخل تعلق على الموضوع ده

تعلق دون انحياز لاحد يعنى تقول الحق

الفول علينا حق

مره كنت جالس مع نفسى

وباسمع نشيد يادعوتى سيرى

وافتركت ايام الانتخابات الرئاسيه

وطبعا كنت جعان جدا ووقت الغداءء لسه

المهم جه فى بالى الانتخابات دى

واللى حصل كل ما افتكر الانتخابات

يزداد كرهى للريس حسنى

لسبب واحد

وهو عايشنا فى الفول على طوووول

كان واحد ابن حلال مترشح منافس على الكرسى الملكى ده

ووعد انه لو فاز هايخلينا ناكل سمك

يعنى سمكه لكل مواطن

بعنى تخيلوا كده

بدل ما الواحد بشترى ساندوتش فول

يروح لبتاع السمك ويقوله لو سمحت

ساندوتش سمك

او احشى لى سمكه لو سمحت

تخيلوا الواحد يصحى الصبح ياكل سمك

ويتغدى سمك

ويتعشى سمك

ولما يحب يغير ياكل فول

وطبعا السمك كله بروتين يعنى الواحد يتخن ويسمن كده بدل ماهو مش قادر يشوف قدامه من الضعف

الناتج عن الفووول

انا اقترح يشيلوا النسر بقى فى العلم ويحطوا الفول مكانه

من ساعتها وانا متغاظ جدا من الريس مبارك

اللى حرمنا من السمك

نعمل ايه طيب

حسبنا الله ونعم الوكيل

دا حتى لما نجح فى الانتخابات

معزمناش على حاجه

ولا حتى وزع ساندوتشات مجانا

بلاش ساندوتشات سمك

كان على الاقل يوزع ساندوتشات فول وطعميه

حتى رغيف حاف على كده

الله يسامحه بقى

بس انا زعلان منه قوى قوى

برضه هايفضل الفول ورانا ورانا

مفيش مفر

زى الموت كده

مش عايز يفراقنا
واهى الدراسه هاتبدء وتعود ايام الفول معاها

هو الفول مش ينفع غير فى رمضان بس

اعترف له بالفضل والجميل انه الواحد يسحر به

ولا يحس باى جوع طول النهار

وتبدء الدراسه وتبدء الماساه معاه من تانى

قال يعنى هو كان فارقنا فى الاجازه؟؟؟

دا على طول معانا

ربنا يصبرنا

ولا انتم رايكم ايه؟؟؟؟؟؟؟

ونرجع ونقول

الفول علينا حق

التاج التاج التاج موعود ياللى عليك التاج

جانى تاج من الاخت امانى ولازم طبعا اجاوب عليه

لازم هى تزنقنى كدها مرى لله

تبدء بقى الاجابه

بسم الله الرحمن الرحيم

اسم مدونتك؟

الفجر الباسم قادم

لماذا اخترته ..وماهي نيتك من وراء اختياره؟

احلم بقدوم الفجر فجر الاسلام وفجر الحريه وفجر الانتصارات

هل فكرت في إغلاق مدونتك؟ والسبب؟

لا لا لا مفكرتش وان شاء الله مش هايحصل انا ماصدقت لقيت حته افضفض فيها

صورتك في المدونة ورمزيتها ؟؟

دا شعار الاخوان طبعا علشان بحبهم جدا جدا

لماذا دخلت عالم التدوين من الاساس؟

لقيت مكان اقدر اعبر فيه عن راى وصوتى واتكلم فيه براحتى

جمله قيلت لك فى وصف مدونتك؟

لحد الان كله بيشكر فيها ايه رايك انت فيها وحشه ولا حلوه

ياريت كل واحد يدخل يعلق يقول رايه فيها

التعليقات بالنسبه لك ,اهميتها؟

دى اهم شىء مهمه جدا طبعا تشجيع واحس انه اخوانى واخواتى معايا برضه بيحملوا نفس الهم

احلى بوست كتبته ...ضع اللينك , ثم اذكر لماذا؟

كلهم حلوين والا مكنتش كتبتهم

وياريت كل واحد يدخل يقول رايه فى احسن بوست

أفضل بوست قرأته؟ وضع لينكه؟

كتيييييييييييييييير جدا وفى اكتير من مدونه

خاصة عند بنت الجنوب وعاشقة الوطن

أفضل مدونة قرأتها؟

بنت الجنوب وعاشقة الوطن وانا اخوان

حد قل أدبه فى التعليق إيه رد فعلك؟

لا لا لا محدش واللى ناوى ميدخلش عندى افضل

أسوأ بوست أسوأ مدون؟

فيه كتير برضه بس منعا للاحراج بلاش مش عايزين نجيب سيرة حد

هيحصل ايه لإيميلك لما تموت ؟؟

هايموت معايا ودا افضل طبعا واحسن لى

اديت الباسوورد لحد قبل كده؟

لا لا ومش ناوى اديه لاى حد من غير زعل طبعا

كانت إيه طبيعة علاقتك بيه

انا مش ناوى اديه لحد يا عم

اسمك؟

عبده

المشهور بيه وسط اصحابك؟

ابوزياد

شخصيتك نوعها إيه؟

عصبى جدا جدا بس والله طيب جدا برضه

السفر بالنسبة لك؟

انا على طول فى سفر وباكتسب منه فوايد كتير جدا

وقت فراغك بتعمل فيه إيه؟

لما يكون فى وقت فراغ اصلا ابقى اعمل فيه

لانه الواجبات اكثر من الاوقات

مفيش وقت خالص

المود بتاعك؟

normal

ايه رايك انت؟

الاكلة المفضلة؟

انا اكل كل شىء وكل حاجه

بس انا مجبر اكل كل سوم فول وطعميه

وبعد اذنكم يعنى

محدش يدافع عنه والا هازعل منه بجد

االصفات التي أخدتها من ماما ؟

محبش اخد حاجه من حد

صفات اللي أخدتها من بابا؟

احب اكون مستقل فى كل حاجه حتى صفاتى هههههههه

اكتر ست حاجات بكرهها

اكره الدم التقيل

والرزاله

والخيانه

والسب وقذف الناس بالجهاله دون علم

اكتر ست حاجات بحبها؟

امى وابى

صديق عمرى عصام

والاخوان

الدكتور يوسف ا لقرضاوى

حماس

وجدى غنيم

الشغل بالنسبة لك؟

انا لسه طالب والله

واللى عنده شغلانه يحجزها لى ارجوكم

طالب على باب الله

الانترنت بالنسبه لك؟

دا فى دمى هو اللى عرفنى بيكم ومعظم الاخوان والناس الكويسه

مرره لمين ؟

كل واحد يدخل ويقرء يعتبر التاج ليه ويجاوب عليه

مشكوره الاخت امانى على التاج الجميل ده

الف الف شكر يا ستى

ونسالكم الدعاء وجزاكم الله كل خير

على بابا الحديث

بلغنى ايها الملك السعيد

ايها الملك السعيد ذو الراى الرشيد انه

:

فى عصر من عصور زمان

تفوقت شياطين الانس على الجان

وذهبت القيم والمبادىء فى خبر كان

تواجد فى هذا العصر الخبيث

الريس (على بابا) الحديث

الذى تولى زعامة المغاره

وقسمها الى غرف تسمى بالوزاره

واختار من خيرة النصابين

"مجلس للغرف" مكون من 32

واعطى لكلا من المحتالين

هبره كبيره بالملايين

فى شكل غرفه من المغاره

فأتخذوا النصب حرفه وشطاره

واختل ميزان الاقتصاد لكل (غالى)

فكان رئيس الغرف ( عاطف) على الاهالى

وراحت المحاصيل لكل(والى )

يتخذ طريقة النصب المثالى

فاصبح النهب بملايين الألوف

واللعب والسحب على المكشوف

والحق والقانون (بالربابه

فى عهد السيد على بابا

وأتهم الشرفاء والزاهدين

وضاعت حقوق المساهمين

حتى (الغريب) (الشريف)

اتهم بتبذير الرغيف

وعين قائد الاخبار

من صفوت (قواد )التجار

اما عن مفتى الديار فكان (سيد ) الشطار

******************************

تزوج على بابا من مرجانا والتى تخفت فى اسم سوزانا

وانجبت له من الخلفاء:

ولى العهد رجل السياسه والدهاء

وصاحب المصباح السحرى ( علاء)

الذى تفوق على العفريت بجداره

مما اجبر العفريت على الاستقاله

فقد شارك (علاء) المواطن الضعيف

فى كل شىء حتى الرغيف

وهكذا ضاق بالشعب الحال مع انه دوام الحال من المحال

فمتى يفيق الشعب المسكين

وتصبح كلمة الحق فوق رقاب الحاكمين

وكو كو كووووووو... مولاى

...وأدرك شهرزاد الصباح فسكتت عن الكلام

غير المباح

************************************

الموضوع ده لقيته قدرا وعجبنى فنقلته وجبته لكم

انا نجحت يا جدعان
والله نجحت
احمدك يارب
متتصوروش فرحة النجاح دى حلوه ازاى
اخيرا الواحد يعرف ينام وياكل بنفس
قبل النتيجه ما تظهر
كنت عايش فى قلق وماليش نفس لاى حاجه
ولا حتى عايز اطلع من البيت
بس الحمدلله
النتيجه ظهرت ونجحت
عقبالكم ان شاء الله

ربنا يوفق طلاب المسلمين كلهم ان شاء الله
ياللا بقى عايز تهانى كتير قوى قوى
عايز احس بفرحة النجاح وياكم
انتم اخوانى واخواتى واهلى وعزوتى بقى
هنونى وباركولى
وعقبالكم جميعا

--------------------------------------
اى حد ينجح يا جماعه يبلغنا علشان نفرح معاه ونبارك له
/////////////////////////////////